كل الشغل
المطعم مش ناقصه أكل حلو. ناقصه يعرف هو بيكلّم مين.
أغلب المطاعم والكافيهات اللي بتيجي لنا عارفة الفئة اللي عايزة تكلّمها، بس مش عارفة توصل لها، ولا تعرض منتجاتها بشكل يليق بالبراند. فالأكل بيبقى حلو والبوست عادي، والعميل الصح بيعدّي من غير ما يقف.
عشان كده مش بنبدأ من الديزاين. بنبدأ من السوق والعميل: مين بيطلب، وإمتى، ومع مين، وإيه اللي بيضحّكه. وبعدين بنبني البراند كله على ذوقه: المنتج والباندل والعرض اللي محتاجه العميل فعلًا، والطريقة اللي بتوصله بيها. والهدف إن العلاقة بين العميل والبراند تبقى أقرب للصحوبية من البيع والشرا.
النتيجة: طلبات فوق المتوقع وقت الإطلاق. والأهم إن الناس رجعت تاني وتالت، وبقى للبراند عملاء لويال مش زباين عابرين.
سوشيال ميديا وإعلانات وتصوير أكل ومحتوى مواسم، معمولين في مصر لمطاعم وكافيهات عايزة تبان شبه عملائها.
