معظم البراندات مش عندها مشكلة تصميم.
عندها مشكلة قرار.
سوشيال ميديا وحملات وهوية بصرية للمطاعم والمتاجر والعيادات وبراندات الخدمات.
شغل من مصر لعملاء في السعودية والخليج.
سابولنا القرار. والسوق مشي وراه.
حملات وإعلانات للسوق السعودي
سوق مختلف. ذوق مختلف. نفس المستوى.
سوشيال وإعلانات لمطاعم وكافيهات
المطعم مش ناقصه أكل حلو. ناقصه يعرف هو بيكلّم مين.
ثامبنيلز يوتيوب
رقم واحد بيقرر كل حاجة هنا. وكل قرار بناخده مصوّب عليه.
محتوى وإعلانات للمتاجر الإلكترونية
محدش بيقرا الوصف. الناس بتقرر من الصورة والسعر.
سوشيال لبراندات الخدمات
نص ثانية ويعدّي، أو ميعدّيش خالص. نص الثانية دي هي البريف كله.
رمضان والمواسم والمناسبات
كلكم بتنزلوا نفس اليوم. واحد بس اللي الناس هتفتكره.
سوشيال وإعلانات للعيادات والمراكز الطبية
محدش بيحب يروح عيادة. إحنا بنخلّي الناس تحب تتابعها.
كل اللي البراند محتاجه. حاجات لازم حد يقرّرها.
التموضع، الاسم، الهوية، ودليل البراند اللي بيخلّيها واقفة بعد التسليم بكتير.
أغلب الشركات بتصمّم قبل ما تقرّر. إحنا بنعمل العكس — ودا عادةً الفرق كله.
الفكرة، التصوير، وكل فريم بعده. العيد، الإطلاقات، الأعياد الوطنية، والشهر الميّت اللي محتاج تصليح.
الفكرة هي الحتة الغالية. اللي بعدها تنفيذ — وعشان كده عمرنا ما بنكرر فكرة مرتين.
إعلانات، ريلز، أفلام منتجات، ثامبنيلز، موشن ومونتاج. بنكتب ونصوّر ونركّب جوّه الاستوديو.
متعمول يوصل من أول ثانية ويعيش والصوت مقفول. أي حاجة محتاجة شرح تبقى خسرت خلاص.
كونتنت سوشيال، مِنيوهات، باكدجينج، لافتات — الشغل اللي لازم يظهر كل شهر، مش مرة واحدة.
الثبات مش بوست واحد حلو. الثبات إن البوست رقم مية يبقى شكله لسه طالع من نفس البراند.
بنصمّم واجهات ويب وتطبيقات. بس مش بنبرمجها — بتاخد ملفات نضيفة، أو مبرمج إحنا واثقين فيه.
بوما استوديو ديزاين. مقرّه مصر — والشغل بيوصل لأي مكان البراند فيه.
استراتيجية، ديزاين، كتابة، موشن ومونتاج. كله في الاستوديو. مفيش حاجة بتتعمل بره، ومفيش حاجة بتخرج من مكان تاني.
أغلب العملاء جم عشان مشروع واحد. وكملوا معانا.
بجد الشغل بيرفكت اللهم بارك كان المنيو القديم واللوجو القديم كان صعب الفهم ومعقد المنيو والهويه الجديده كلها اللي حضرتك عملتها نقلت المطعم حرفيا في حته تانيه بجد تسلم ايدك وشكرا علي كل تفصيله طلعت احسن من التوقع كمان شكرا جدا🥰
التعامل من البدايه خالص محترم جدا من اول ميتينج حصل وصلنا للي محتاجيه بسرعه الحمد لله و كان الموضوع سلس جدا و النتيجه خطيره ماشاء الله و المعامله فالمجمل محترمه جدا و نتايج الشغل بتبهرني كل مره و في ميزه مهمه بقا انك متعبتنيش ولا مره 😂😂 يعني بتسهل الدنيا و بنوصل للي محتاجينه منغير اي تعب و شهادتي فيك متوفيش العظمه الله بتعملها والله ❤️
كل شي تمام، الله يعطيك العافية. متعاون جدًا… حتى بأوقات الويكاند.
ابعت أي حاجة معاك. صورة مِنيو، ڤويس نوت نص الليل، لينك منافس مش قادر تبطّل تفكر فيه. هنرد عليك خلال يوم ونقولك المشكلة فين بالظبط — قبل ما حد يتكلم في فلوس.
إحنا مش مناسبين لكل حد. لو عارف بالظبط عايز تصمّم إيه، غالبًا مش محتاجنا. لكن لو في حاجة غلط ومش عارف هي ايه— دا المكان المناسب.
