متجرين سعوديين لمعدات التصوير، ومشكلتين عكس بعض: واحد الناس مش عارفة هو بيبيع إيه، والتاني الناس خايفة تشتري منه أصلًا.
اقرا القصة كاملة
عشان كده الشغل مابدأش من الإعلان. بدأ من سؤالين: العميل مش شايف إيه؟ وخايف من إيه؟
فاينل: الناس كانت عارفاه كمكان بيأجّر معدات تصوير وبس، وماتعرفش إيه المنتجات اللي عنده. عملنا خطة تعرض كل منتجاته وكل خدماته على إنستجرام وسناب، وبنينا البراند على فكرة واحدة: فاينل هو سوبر هيرو المصورين والمخرجين. مشهد محتاج كاميرا خاصة مش معاك، أو إضاءة ناقصة، أو عدسة معيّنة؟ فاينل بيوصّلها لك في نص الشغل وبسرعة. وكل المنتجات ماشية على ستايل بني دافي واحد، عشان أي إعلان يتعرف إنه فاينل من أول نظرة.
كينو: بيبيع معدات تصوير مستعملة، والناس خايفة من المستعمل وإن يكون فيه عيوب مستخبية. فالحملة كلها اتبنت على الثقة: كل قطعة بتتفحص الأول على إيد خبراء وفنيين قبل ما توصل لك. وأحمر كينو ماشي في كل تصميم، من إعلان الفحص لتهنئة رمضان.
ولكل واحد فيهم عملنا هوية بتعيش على الموقع وعلى السوشيال ميديا.
النتيجة: فاينل حقق أرقام ضخمة ومكاسب كبيرة، وكينو اتطوّر وبنى ثقة كبيرة عند عملائه.
محتوى وإعلانات وسوشيال ميديا للمتاجر الإلكترونية في السعودية، معمولة عشان العميل يشوف المنتج ويثق فيه قبل ما يدوس «اشتري».
BOMA STUDIO
إعلان وصول كاميرات الجيب«أحدث وحوش التصوير في العالم.. وصلوا فاينل»: كاميرتين جيب واقفين على صخرة في ضوء بني دافي. إعلان وصول بيقول للمصور إن اللي بيدوّر عليه موجود عند فاينل.
إعلان مواصفات DJI Osmo Pocket 4PDJI Osmo Pocket 4P ومواصفاتها على الصورة نفسها: 4K و240 فريم. «أحدث كاميرا DJI وصلت فاينل!» بتعرّف العميل بالمنتج وبتقوله إنه موجود في نفس اللحظة.
إعلان Insta360 Luna Ultra بدقة 8K«أقوى كاميرا 8K!»: Insta360 Luna Ultra في نص الكادر، و«وصلت فاينل» بخط عريض. نفس سلسلة الوصول، بنفس اللون والإضاءة.
إعلان تحميل التطبيق · كانون R6 مارك IIكانون R6 Mark II «عدسة لا تخطئ الهدف»، ومعاها زرار «حمّل التطبيق الآن». نفس إعلان المنتج بيشتغل كمان كدعوة لتحميل تطبيق فاينل.
إعلان مقارنة DJI وInsta360«جرّب وقارن بنفسك»: DJI Osmo Pocket 4P قصاد Insta360 Luna Ultra. بدل ما العميل يحتار بين الاتنين، الإعلان بيعزمه يحجز تجربة ويختار اللي يناسب أسلوبه.
إعلان نيكون Z8نيكون Z8 «القوة المطلقة»: الكاميرا لوحدها على صخرة، واسمها بحروف متباعدة فوقها. إعلان منتج بسيط بيسيب الكاميرا تتكلم.
إعلان جو برو هيرو 13جو برو هيرو 13 «جاهزة لأي مغامرة»: راكب عجلة جبلية طالع من شاشة الكاميرا. الإعلان بيبيع اللي هتعمله بيها قبل المواصفات.
إعلان كانون R6 مارك IIكانون R6 Mark II «عدسة لا تخطئ الهدف»: العدسة في وش العين على طول، والكاميرا على صخرة في ضوء بني دافي.
إعلان البث المباشر Hollyland Venus IV AirHollyland Venus IV Air لصناع المحتوى: «بث مباشر بجودة 4K وقدرة تشغيل 24 ساعة دون توقف»، وشاشة فيها لايف شغال فوق الكاميرا.
إعلان كانون EOS R6 مارك IIIكانون EOS R6 Mark III «تخطَّ حدود الممكن»: الجيل الجديد على صخرة، ومعاه «بذكاء أعمق، وسرعة تتحدى الزمن».
إعلان سوني ألفا A7 IVسوني ألفا A7 IV «تفاصيل أعمق من الرؤية»: كاميرا فل فريم في النص، واسمها بحجم كبير فوقها.
إعلان تحميل التطبيق · نيكون Z8نيكون Z8 «القوة المطلقة» ومعاها زرار «حمّل التطبيق الآن». نسخة من إعلان المنتج بتودّي العميل للتطبيق على طول.
حملة الدوام على مدار الساعة«التصوير ماله وقت.. وعشان كذا دوامنا صار 24 ساعة»: برج المملكة و«24H» بطول مباني الرياض، وكاميرا على الطريق. سوبر هيرو المصورين صاحي طول الليل.
بوست سؤال البطارية والذاكرة«لو نسيت البطارية أو الميموري؟ وش الحل؟»: كاركتر فاينل بزي السوبر هيرو ماسك بطارية وكارت ميموري. سؤال بيفتح كلام مع المصورين عن أزمة كلهم عاشوها.
تهنئة رأس السنة«Happy New Year 2025»: سوبر هيرو فاينل ماسك شمعة نار وبيحتفل. نفس الكاركتر بيظهر في المناسبات عشان يفضل وش البراند.
بوست حقيبة المعدات«دايمًا بنرتّب كل المعدات ونختبرها قبل التصوير بمدة.. ولكن!!»: مصور مصدوم قدام شنطة معداته. بوست بيحكي اللحظة اللي فاينل معمول عشانها.
بوست أكثر معدة تُستأجر«شاركنا بأكثر شيء تستأجره، وحسّن من أدائك بفارق كبير!»: صفحة معدات التأجير على لابتوب. بوست بيفكّر العميل إن فاينل بيأجّر كمان، وبيعرف منه إيه أكتر حاجة بيحتاجها.
حملة كل المعدات في مكان واحد«تخيّل كل اللي تبيه للتصوير بمكان واحد؟»: كاميرات وعدسات وسوفت بوكسات وإضاءة على صخرة قدام أحمر كينو. أول رسالة: كل المعدات عندنا.
حملة جودة مثل الجديدة«جودة مثل الجديدة»: كاميرا كانون جوّه كرتونة وسط فلين التغليف، كأنها خارجة من المصنع. المستعمل بيتقدّم بنفس احترام الجديد.
بوست المعدات وراء اللقطة«خلّك محترف مع كينو»: مصور بيصوّر زجاجة برفان، وجنب كل قطعة معدات اسمها. المعدات بتتشاف وهي شغالة، مش واقفة على رف.
حملة اطلب وأنت مطمئن«اطلب وانت مطمّن!»: عميل قدام اللابتوب بيتفرج على فيديو للكاميرا نفسها قبل ما يطلبها. الثقة بتيجي لما تشوف بعينك.
حملة وفّر أموالك«وفّر أموالك»: فلوس داخلة صندوق شفاف فيه كاميرا. المستعمل المفحوص هو الطريق الأوفر لنفس الشغل.
حملة خدمة العملاء«خدمة العملاء متاحة 24/7»: سماعة تليفون قديمة على أحمر كينو. اللي بيشتري مستعمل محتاج يعرف إن فيه حد هيرد عليه في أي وقت.
حملة التوصيل الآمن«لأن معدات التصوير أمانة.. نوصّلها بأمان»: واحد من فريق كينو شايل شنطة معدات مترتبة ومقفولة. التوصيل جزء من الثقة، مش حاجة بعدها.
بوست لماذا يختار المصورون المستعمل«تعرف ليش كثير من المصورين يختارون المستعمل؟»: مصور مبتسم ماسك كاميرته. سؤال بيقلب الخوف لفضول، وبيفتح الكلام عن مميزات المستعمل.
حملة قبعة الساحر«تدري إيش السحر اللي يسويه كينو؟»: كاميرات وعدسات طالعة من قبعة ساحر حمرا. المعدات المستعملة بترجع كأنها جديدة.
حملة يوم التأسيس«يوم بدينا»: فارس على حصان أبيض بالأبيض والأسود، وجنبه شعار يوم التأسيس بأحمر كينو. مناسبة سعودية بهوية البراند.
تهنئة رمضان«رمضان مبارك»: هلال معمول من كاميرات وعدسات على أحمر كينو. تهنئة رمضان والبراند ماسك معداته.
حملة فحص المعدات«معدات كينو مضمونة 100%»: فني بيفحص عدسة على جهاز فحص. قلب الحملة: كل قطعة بتتفحص على إيد خبراء قبل ما تتباع.
حملة الوصول الجديدكرتونة مفتوحة فيها كاميرا وعدسات ومعدات مترتبة، ودعوة تلحق المعدات اللي وصلت جديد على الموقع.
كل الشغل
